Пред платото на Универзитетот „Св. Кирил и Методиј” во Скопје, Институтот за имунологија и хумана генетика под раководство на Проф. д-р Александар Петличковски и Универзитетската клиника за хематологија со директорката Проф. д-р Ирина Пановска Ставридис, организираа доброволна акција за зголемување на бројот на доброволни донори на матични клетки од коскена срцевина под наслов „биди срцевина, биди херој”.
Акцијата ја посети заменикот министер за здравство доц. д-р Владимир Рендевски,кој во име на Министерството за здравство ја истакна важноста од зголемување на регистарот на дарители на коскена срцевина и успешноста на методата на трансплантација која повеќе години наназад бележи пораст и успех во македонското здравство. Тој воедно со доброволното дарување на крв се впиша во дарителскиот регистар на коскена срцевина.
