Франција го премина прагот од 94.000 нови дневни случаи на Ковид-19, најмногу од почетокот на епидемијата во март 2020 година, според податоците на француското јавно здравство.
За 24 часа пријавени се 94.124 нови случаи во петтиот бран на епидемијата. Претходниот рекорд беше во четвртокот со повеќе од 91.000 случаи. Од почетокот на кампањата за вакцинација во Франција, близу 53 милиони луѓе примиле најмалку една доза или 78,1 отсто од населението, а 51,6 милиони се целосно вакцинирани или 76,5 отсто од населението.
