Полицијата во Скопје синоќа евидентирала 262 сообраќајни прекршоци. Изречени се 102 санкции за возачи на мотоцикли, а шестмина се приведени.
Изречени се 93 санкции за управување мотоцикли без заштитна кацига, четири мерки за несоодветна категорија, пет санкции за управување без положен возачки испит и 160 останати мерки за други видови на прекршоци меѓу кои за неносење возачка или сообраќајна дозвола, неистакнати таблици, минување на црвено…
Исто така привремено е одземен еден мотоцикл поради измината важност на регистрација повеќе од шест месеци, а шест лица се лишени од слобода по член 297 а од Кривичниот законик.
