Регионалниот центар за управување со кризи (РЦУК) Битола, информира, дека преку бројот 112 вчера во 17.39 часот, била добиена пријава за починато лице за коешто јавувачот известил дека најверојатно е погодено од гром во село Мажучиште, Општина Прилеп.
За ова, од Секторот за операции и координација на ЦУК, веднаш биле известени во МВР и во Итната медицинска помош (ИМП) за понатамошна постапка.
Според последната информација добиена од РЦУК Битола, лицето од село Мажучиште било погодено од гром по што е пренесено во Итна медицинска помош во Прилеп и била констатирана неговата смрт.
