ООУ „Христо Узунов“ како апликант и учесник во Европската програма Еразмус+ KA101 за обука на наставен кадар доби грант со проектот “Becoming BULLY-proof and BULLY-less” и учествуваше на обука на тема „How to stop bullying and cyberbullying at schools and promote social emotional learning”, во Болоња, Италија.
На 7- дневната обука која траеше од 30.01-5.02.2022 се разменуваа добри практики и се дискутираа предизвиците со колегите од други европски држави и обучувачите за тоа како да се препознае, превенира и намали врсничкото насилство и сајбер-насилството во училиштата. Преку секојдневната интерактивна обука и тим билдинг активностите се создадоа услови за меѓусебна соработка со стручни лица, засегнати страни и организации кои работат во областа на образованието во Европа и во иднина, информираат од училиштето.
Исто така, учесниците имале можност да се стекнат со идеи за нови алатки и методи за создавање на позитивна училишна средина која ќе развие социо- емоционално учење, а им биле презентирани и начини и стратегии за создавање и спроведување на Училишен План за спречување и запирање на врсничкото насилство.
Целта на обуката беше учесниците да се стекнат со вештини за утврдување на тенката линија помеѓу законското и незаконското однесување и како да се препознае насилничко однесување, за разбирање на различните видови насилство и подлабок увид за влијанијата, факторите на ризик и долгорочните ефекти кај насилниците и жртвите, додаваат во соопштението од училиштето.
Извор: ОУ „Христо Узунов“ – Охрид
