Кривична пријава за охриѓанка за ширење на расистички и ксенофобичен материјал по пат на компјутерски систем.
Денеска полициски службеници од СВР Охрид извршија службен разговор во СВР Охрид со 38 годишна охриѓанка, која во текот на вчерашниот ден на социјалната мрежа Фејсбук поставила содржина со која извршила кривично дело „Ширење на расистички и ксенофобичен материјал по пат на компјутерски систем“ казниво по член 394-г од КЗ, информираат од МВР.
При разговорот изјавила дека таа во текот на вчерашниот ден ја поставила содржината, а денеска самата ја избришала. По целосно документирање на случајот до ОЈО Охрид ќе биде поднесена кривична пријава по член 394-г од КЗ, додаваат од МВР
