144 санкции за возење под дејство на алкохол
Во текот на вчерашната вечер (26./27.02.2022) во периодот од 21.00 до 02.00 часот спроведена е зајакната акциска контрола за санкционирање на возачи кои управуваат возила под дејство на алкохол на територијата на Република Северна Македонија, при што санкционирани се 144 возачи. Од нив 36 на територија на СВР Скопје, 27 на територија на СВР Битола, 17 на територија на СВР Куманово..
Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта. – информираат од МВР
