Градоначалникот на Општина Охрид, Кирил Пецаков, преку објава на социјалните мрежи најави дека реконструкцијата на дел од магистралниот пат Охрид – Битола, на потегот до црквата „Св. Недела“ во Косел, ќе биде еден од приоритетните проекти во неговата програма за наредниот мандат.
„Покажавме дека можеме да реализираме големи и значајни проекти. Со оваа реконструкција добиваме модерна, уредена и безбедна сообраќајница,“ истакна Пецаков.
Тој додаде дека Охрид ќе продолжи со реализација на капитални инвестиции кои, според него, значат подобар квалитет на живот и современа инфраструктура.
„Охрид не запира повеќе,“ порача актуелниот градоначалник и кандидат за втор мандат на претстојните локални избори, потенцирајќи дека граѓаните ќе имаат можност повторно да го изберат вистинскиот избор за иднината на општината.
