Времето денеска претпладне ќе биде променливо облачно со сончеви периоди, а попладне и во текот на ноќта ќе има локални врнежи од дожд, проследени со појава на грмежи. Ќе дува слаб до умерен, а наместа повремено засилен ветер од јужен правец. Минималната температура ќе биде во интервал од 4 до 13, а максималната ќе достигне од 21 до 28 степени Целзиусови.
Од утре до почетокот на следната седмица подрачјето на нашава земја ќе биде под влијание на серија на влажни бранови кои што ќе предизвикаат времето да е променливо облачно со повремени врнежи од дожд. Утре и во четврток ќе има локална појава на нестабилност со пороен дожд, грмежи и силен ветер (над 70 км/час), локално во форма на невреме. Од петок, а особено за време на викендот поради спуштање на студена воздушна маса врнежите од дожд на планините и повисоките места ќе бидат од снег и ќе се формира нова снежна покривка. Врнежите повремено ќе имаат обилен карактер, наместа над 40 л/м2 за краток период.
Прогноза за 18.04.2024
Минимална температура: 5°C до 9°C
Максимална температура: 12°C до 20°C
Променливо облачно со повремени врнежи од дожд. Локално врнежите ќе бидат обилни во форма на невреме, проследени со грмежи и силен ветер.
Прогноза за 19.04.2024
Минимална температура: 2°C до 7°C
Максимална температура: 11°C до 18°C
Променливо облачно и посвежо со повремени врнежи од дожд, а на планините и повисоките места од снег. Ќе дува слаб до умерен ветер претежно од северен правец.
Прогноза за 20.04.2024
Минимална температура: 1°C до 7°C
Максимална температура: 6°C до 15°C
Променливо облачно и студено со повремени врнежи од дожд, а на планините и повисоките места од снег. Ќе дува слаб до умерен, а долж Повардарието и во источните делови засилен ветер од северен правец.
