Обилните снежни врнежи и замрзнат дожд низ Германија доведоа до откажување на стотици летови и возови, несреќи на замрзнатите патишта и затворање на училиштата.
Над 500 пристигнувања и полетувања се откажани на аеродромот во Франкфурт, еден од најпрометните во Европа, каде што беа откажани половина од планираните летови, a повеќе од 250 во Минхен. Доцнење и откажување летови имаше и на аеродромите во Дизелдорф, Келн и Бон. На запад од земјата, аеродромот во Сарбрикен е целосно затворен.
Националниот железнички оператор откажа неколку меѓуградски врски и најави дека максималната брзина на брзиот воз ќе биде ограничена на 200 километри на час поради екстремните временски услови. Утринава имаше многу сообраќајни несреќи на западот и југот од земјава поради голомразица на коловозот.
Како мерка на претпазливост, многу училишта и градинки се затворени, а некои компании им понудија на своите вработени можност да работат од дома. Германската метеоролошка служба денеска издаде предупредување за тешко време, поради снежното невреме и замрзнатиот дожд што зафати повеќе региони во земјата.
Tageschau: "Schnee und Eis bremsen Bahn- und Flugverkehr aus" https://t.co/G673rynw29 /kis
— DWD (@DWD_presse) January 17, 2024
