Ракометната селекција на Хрватска приреди големо изненадување на Светското првенство и е првиот патник во големото финале на планетарниот собир. Во првото полуфинале, одиграно во Загреб, падна моќната Франција (28-31) и така Хрватска од селекција која што трпеше многу критики во групните фази, стигна до натпревар за титулата. Противник ќе ѝ биде подобриот од утрешното соочување меѓу Португалија и Данска.
Франција како никогаш досега не била толку инфериорна во едно мундијалско финале. Жил со неколку промени во нападот проба да ја врати својата селекција во игра, но домашните ракометари заиграа уште помоќно и на полувреме се изборија за огромна предност од седум гола (11-18).
