Светителката се смета за заштитничка на болните и оние кои страдаат од телесни болести, односно сѐ што е поврзано со здравјето. Верниците ѝ се молат за исцеление и за сила во тешки животни периоди.
Житието на светителката
Света Јулијана била родена во Никомидија, во богато, но незнабожно семејство. Кога ја слушнала евангелската проповед, целосно се посветила на Христос и започнала да живее според Божјите заповеди. Нејзиниот свршеник, сенаторот Елевсиј, не ја прифатил нејзината вера и поради тоа ја измачувал и фрлил во затвор. Но чудата не изостаналe, Јулијана била исцелена во затворот, огнот не ја изгoрел, а многумина кои ја виделе нејзината храброст поверувале во Бога. На крајот, таа радосна и со духот мирна, го предала својот живот на Господ во 304 година.
Што да направите утре за благодат
Православните верници на овој ден се охрабруваат на молитва – утринска и вечерна, односно искрено да се помолат за здравје, мир и сила во животот.
Се препорачува да се помолите и за блиските и за сите оние што страдаат, зашто таквите молитви утре најбрзо стигнуваат до Света Јулијана и брзо се услишуваат.
Искористете го денот за размислување за личната вера, вредностите и семејните односи, како што Јулијана тоа го покажала преку својот пример.
Според преданијата, сите што го почитуваат овој ден со искрена молитва, добротворство и внимание кон блиските, ќе бидат наградени со внатрешен мир и охрабрување, а постои и верување дека молитвите за здравје и успех се особено услишани токму на денот на св. Јулијана.
Не заборавајте, името Јулијана се слави на овој ден, па честитајте им на сите кои го носат ова прекрасно име.
