Денеска (13.04.) полициски службеници од Отсекот за превенција при СВР Велес на регионалниот пат Кавадарци-Неготино спроведоа превентивна акција под мотото – „Стави појас при управување на вoзило“.
Во рамки на активноста која што се реализира во соработка со Републичкиот совет за безбедност на сообраќајот на патиштата, на возачите им беше укажувано за законската обврска за почитување на одредбите по однос на користењето на сигурносните појаси како безбедносна мерка, чие што непочитување повлекува санкции нормирани во Законот за сообраќај. Исто така на возачите им беа делени и печатени едукативни материјали изработени со поддршка од РСБСП со содржина од областа на безбедноста во сообраќајот и безбедното управување со возило.
