Педесет и едногодишен скопјанец А.Х. денеска на полицијата и признал дека завчера во Шуто Оризари од возило украл чанта со мобилен телефон.
Во Полициската станица Чаир денеска бил повикан А.Х.(51) од Скопје. Тој се сомничи дека на 12 септември во Шуто Оризари извршил кражба, при што од отклучено возило, сопственост на Р.И.(33) од Скопје, одзел чанта со мобилен телефон, соопшти МВР.
Во службен разговор тој го признал делото, а одземеното било пронајдено и вратено на сопственичката.
По целосно документирање на случајот, против него ќе биде поднесена соодветна пријава, информира Министерството за внатрешни работи.
