Драга Гога, ми кажаа дека си ме спомнала во говор во Центар. Се изненадив кога чув дека она наше утринско кафе било ДЕБАТА!?! Јас го сметав за забавна програма. Го повикуваш Стево на СЕРИЈА дебати! А не го почитуваш. Повикај ме мене! Еве, сега кога е јасно дека соочување нема да има, те поканувам НЕ НА КАФЕ туку на ЕДНА ЕДИНСТВЕНА дебата. До вчера велеше дека ова била твоја емоционална (!?) желба да разговараме ad rem а не ad hominem (нешто што сега се води меѓу вашите два табори). Арно ама науката и твојот научен сенс ти кажувал дека наспроти тебе ќе бил Стево! Ајде да го смениме тоа! Притоа не условувам како твојот тим и барам фаталистички услови: или седум или јок дебата! – напиша на фб кандидатката за претседателка на Македонија од политичката партија Левица, Билјана Ванковска.
