Сообраќајот на државните патишта се одвива во зимски услови, по претежно влажни коловози. Сите патни правци се проодни.
Како што информираат од ЈП Македонијапат на одредени патни правци кои поминуваат низ усеци и клисури можна е појава на поситни одрони.
Од јавното претпријатие апелираат на внимателно управување со возилата, почитување на поставената сообраќајна сигнализација, како и прилагодување на брзината спрема условите на патот.
Од Автомото сојузот на Македонија, пак, соопштија дека ГП Евзони (Богородица) е отворен за секаков вид сообраќај од 23:10 часот.
Од АМСМ додаваат дека на ГП Ники (ГП Меџитлија) ќе има забрана за движење на товарни возила до денеска до 10:00 часот. Сообраќајот за патнички моторни возила ќе се одвива со нормален тек.
