Времето денеска ќе биде сончево со мала до умерена локална облачност и со услови за краткотраен пороен дожд попладне во југоисточните делови. Ќе дува слаб до умерен ветер претежно од североисточен правец. Минималната температура ќе биде во интервал од 8 до 16, а максималната ќе достигне од 25 до 32 степени Целзиусови. УВ индексот ќе изнесува 8.
Во Охрид максималната температура ќе достигне 26 степени.
За следните денови, синоптичарите најавуваат стабилно време. Ќе биде сончево со повремено зголемување на облачноста и со постепен пораст на дневните температури. Услови за појава на краткотраен пороен дожд и со грмежи ќе има во вторник кога преку денот ќе дува и засилен северозападен ветер.
