Демонстрантите на денешниот, десетти по ред, протест против францускиот предлог донесоа мисирка врзана на автомобил пред коец поставија и гилотина.
Пред тоа, демонстрантите изведоа и перформанс пред МНР со истакнато пано на кое пишуваше „предавници“ и на кое се гледаат ликовите на премиерот Ковачевски и министрите за надворешни работи Бујар Османи и за евроинтеграции Бојан Маричиќ. Пред паното на биро тројца луѓе со маски со ликовите на премиерот и министрите го потпишуваа „францускиот предлог“. Потоа тие ги тргнаа маските и се појавија маските со бугарското знаме.
Од пред Владата, тие се упатија кон зградата на Министерството за надворешни работи, а оттаму пред Собрание.
Утре протестот ќе се одржи во 12 часот, пред почетокот на собраниската седница, на која ќе се расправа за Информација за содржината на Предлог преговарачката рамка.
