Игор Филков, бизнисмен со дипломирани правни студии на скопскиот Правен факултет ќе биде предлог на ЗНАМ за нов министер за правда. На прес конференцијата на Движењето беше објавено дека Филков ќе биде номиниран за министер за правда во владата на мандатарот Христијан Мицкоски.
И вториот кандидат на ЗНАМ за министер е маж. Генералниот секретар на движењето ЗНАМ Горан Минчев ќе биде нов министер за администрација, соопштија од партијата на Максим Димитриевски.
Од ЗНАМ дополнително ќе ги соопштат имињата на замениците министри и на директорите кои им се доделени во коалициските договори.
