Кавадарчанец е под сомнение дека вршел други полови дејствија кон малолетната ќерка, Обвинителството донесе наредба за истражна постапка а определен му е и притвор, информираа денеска од ЈОРСМ.
Основното јавно обвинителство Кавадарци донесе наредба за спроведување истражна постапка против 42-годишник за кого постои основано сомнение дека подолг временски период вршел други полови дејствија спрема неговата ќерка родена во 2016 година. Постои сомнение дека тој во повеќе наврати, во текот на 2022 и 2023 година, искористувајќи што со девојчето живеел во иста семејна заедница и прикажувал видеа со порнографска содржина и кон неа продолжено вршел други полови дејствија, санкционирани во член 188 став 5 од Кривичниот законик, соопштија од Обвинителството.
По предлог на надлежниот јавен обвинител, судијата на претходна постапка од Основниот суд во Кавадарци, определи мерка притвор во траење од 30 дена за осомниченото лице.
