Единицата за борба против трговија со луѓе и криумчарење мигранти на Министерството за внатрешни работи неодамна уапси четири лица за посредување при вршење проституција и перење пари. Според МВР, осомничените организирале мрежа за врбување, превезување и сместување на жени од Бразил во Скопје, со цел вршење проституција.
По трагите на оваа информација, порталот frontline.mk објави информација дека популарната меѓународна веб страница „Еuro girls escort“ нуди контакти со 410 девојки за придружба во Република Македонија, од кои најголемиот дел, 408 работат во Скопје, додека останатите две се по една во Тетово и една во Охрид.
Според истиот извор, младите жени се на возраст од 20 до 30 години, а главно доаѓаат од земјите од Латинска Америка. Своите клиенти ги придружуваат во замена за соодветен надомест, кој според полициските извештаи, се движи од 200 до 800 евра.
На страницата на оваа незаконска активност, се забележува дека девојките кои се занимаваат со проституција во Република Македонија најчесто доаѓаат од Бразил, Колумбија, Украина, Русија, Турција, Романија итн.
извор: frontline.mk
