Ново покачување од 2.500 денари во март, а во септември се враќа усогласувањето, најавија властите, со што се отвора патот за повторно враќање на моделот според кој пензиите ќе растат системски два пати годишно.
Главната цел на линеарното зголемување кое го направивме во септември беше да обезбедиме подобар животен стандард за пензионерите, но и да ги намалиме разликите меѓу највисоките и најниските пензии во државата, соопштија властите.
