Фондот за здравствено осигурување во октомври исплатил вкупно 621.383.663 денари за надоместоци на плата по основ на привремена спреченост за работа и породилно отсуство.
Од вкупната сума, 467.074.428 денари биле наменети за породилни надоместоци, додека 154.309.235 денари биле исплатени за останатите надоместоци по основ на боледување.
Според податоците на Фондот, октомвриската исплата за породилни надоместоци е највисока месечна исплата за оваа намена во периодот од јули до октомври 2026 година, а бележи раст од над 25 проценти во однос на септември.
Во периодот од јули до октомври, ФЗО исплатил вкупно над 2,35 милијарди денари за боледувања и породилни отсуства. Од нив, над 1,66 милијарди денари се однесуваат на породилни надоместоци.
Од Фондот посочуваат дека продолжуваат со активности за подобрување на организацијата и редовноста на исплатите кон осигурениците.
