Пентагон испраќа дополнителни воени трупи во Германија, Полска и Романија. Русија го осуди овој потег на САД, посочувајќи дека, со ова само се зголемува тензијата, а од друга страна се стеснува просторот за изнаоѓање на политичко решение.
Пентагон пак, соопшти дека 2.000 американски војници ќе бидат испратени во Полска и Германија, а 1000 кои се веќе во Германија ќе одат за Романија.
Турскиот претседател Ердоган е во посета на Киев. Земјата има добри односи и со Украина и со Русија и се надева дека проблемите ќе се решат на мирен начин.
Истото го соопшти и министерот за надворешни работи на Србија кој истакна дека земјата нема да се меша во конфиктот меѓу Русија и Украина. Во меѓувреме Германија одлучи, да го забрани емитувањето на телевизијата Раша Тудеј во земјата.
