Илјадници луѓе, Украинци и нивни поддржувачи, се собраа денеска во повеќе градови низ САД во поддршка за Украина и демонстрации против руската инвазија на земјата.
Протестни маршеви и собири се оддржаа во Вашингтон, Чикаго, Бостон и други градови.
Митинзите се оддржаа и во саботата, неколку денови откако рускиот претседател Владимир Путин нареди навлегување на војска во Украина. Масовнооста на митинзите укажува на големата загрижност насекаде низ САД за тоа што се случува во Украина.
Пред Белата куќа синоќа во Вашингтон се собраа околу илјада луѓе со повик до претседателот Џо Бајден да преземе поостри мерки против Русија и да покаже поголема поддршка за Украина.
Првата дама Џил Бајден истакна дека таа и претседателот се молат „за храбриот и горд народ на Украина“.
Во четвртокот, кога започнаа првите собирања, на тротоарот пред руската амбасада беше насликан графит со црвена боја со зборот „убиство“. Полицијата потоа го избриша графитот и упаси едно лице поврзано со ова.
