Среќен 1ви роденден ќерко! Биди ни жива и здрава, Господ секогаш нека биде со тебе, нека те чува, нека те води и нека те дарува со сите убавини на овој свет! – напиша на под видеото на социјалната мрежа Facebook познатиот пејач.
Ќерката на нашиот познат фолк-пејач Јордан Митев го прослави својот прв роденден и ги воодушеви сите.
Познатиот пејач заедно со сопругата Славица се потрудија овој ден да и го направат незаборавен, а гордиот татко сподели фотографија на својот профил на социјалните мрежи под која многумина му го честитаа роденденот на неговата мала наследничка.
Инаку, Јордан и Славица своето судбоносно „да“ го изговорија во 2017 година, а малата Кристина е нивното прво дете.
Нивната ќерка се роди во Австралија, додека пејачот беше на турнеја, а со него беше и сопругата која беше во деветти месец.
Таа е Македонка родена во Австралија, но по женидбата со познатиот пејач дојде да живее во нашата земја.
