HomeАктуелноЗА 23.790 ДЕНАРИ ПОЧЕТНА ЦЕНА: Во оваа македонска општина се продава градежна парцела за изградба на семејна куќа

ЗА 23.790 ДЕНАРИ ПОЧЕТНА ЦЕНА: Во оваа македонска општина се продава градежна парцела за изградба на семејна куќа

Можност за сите заинтересирани граѓани кои сакаат да изградат сопствен дом. Општина Битола објави јавен оглас за продажба на градежно земјиште наменето за изградба на индивидуална станбена куќа, со почетна цена од само 61 денар за квадратен метар.

-50%
За Твојата Реклама на овој рекламен банер

Станува збор за градежна парцела со површина од 390 квадратни метри, која се наоѓа во рамки на Деталниот урбанистички план за „А.Р.М. четврт 1, 2 и 3“ во Битола.

Почетната цена за целата парцела изнесува 23.790 денари, односно околу 387 евра. Сепак, конечната цена ќе биде утврдена преку електронско јавно наддавање, на кое заинтересираните учесници ќе можат да доставуваат повисоки понуди.

Кој може да учествува и кои се условите?

Право на учество имаат заинтересирани физички и правни лица кои согласно законските прописи можат да стекнат сопственост на градежно земјиште во државата.

Заинтересираните треба да поднесат електронска пријава преку системот www.gradezno-zemjiste.mk, со валиден дигитален сертификат, како и потребната документација.

Еден од условите е и доставување банкарска гаранција за сериозност на понудата во износ од 118.950 денари.

До кога може да се пријават заинтересираните?

Крајниот рок за поднесување пријави е 14 декември 2026 година.

Електронското јавно наддавање е закажано за 16 декември 2026 година, со почеток во 9 часот, а ќе трае најмалку 15 минути, со можност за продолжување доколку во последните две минути има нови понуди.

Важно е да се знае дека купувачот има обврска во рок од девет месеци од солемнизацијата на договорот да обезбеди одобрение за градење.

Во почетната цена не се вклучени трошоците за уредување на градежното земјиште, данокот на промет, нотарските услуги и трошоците за запишување во Катастар.

Целосните услови и документацијата се достапни на официјалната интернет-страница на Општина Битола.

Rate This Article:
No comments

Sorry, the comment form is closed at this time.