Иако брзите диети честопати не се паметен избор бидејќи луѓето кои ги следат за краток временски период ја враќаат намалената тежина, Ким Кардашијан не го сторила тоа.
Ријалити ѕвездата три недели била на ригорозна диета за да влезе во легендарниот фустан на Мерилин Монро и да блесне на Мет Гала. Месец и пол по тој гламурозен моден настан, таа позира во костим за капење и докажа дека се уште е фит.
Таа објави неколку фотографии од одморот на кој отиде со момчето Пит Дејвидсон и позира во црни бикини и го истакна рамниот стомак. И покрај исхраната, Ким успеала да ги зачува облините кои ја прославија.
Да потсетиме, Ким имала намера да го облече фустанот на Мерлин Монро, но не ѝ одговарала големината, па се подложила на нов режим на исхрана и вежбање.
“Носев костим за сауна двапати дневно, трчав на лента за трчање и целосно ги елиминирав сите шеќери и јаглехидрати, а јадев само зеленчук и протеини. Не гладував, но бев строга”, објаснила таа.
Таа ослабела 7 килограми за три недели, но бројни експерти предупредија дека таквото слабеење е нереално и тешко за организмот. Се проценува дека е безбедно да се изгуби половина килограм до килограм неделно, а најдобро е да се изгуби колку што е можно повеќе без да се вежба претерано или да се изгладнува.
