Светски познатата рок ѕвезда Лени Кравиц, вечерва ќе одржи концерт на стадионот „Билјанини извори“ во Охрид. Долго очекуваниот настан ќе биде кулминација на забавните настани ова лето во Охрид.
Концертот во Охрид е дел од Европската турнеја на Лени Кравиц насловена „Blue Electric Light” која е и промоција на истоимениот албум. Настапот е дел од фестивалот „Охрид колинг“ што петта година по ред го организира Авалон продукција.
Пред Лени Кравиц публиката во Охрид ќе има можност да го проследи настапот на новата indie – rock и punk артистка, DEVON ROSS.
