Денеска Регулаторна комисија за енергетика ќе ја објави одлуката за малопродажните цени на горивата во земјава. Светските пазари се под силно влијание на геополитичките случувања, при што референтната цена на суровата нафта брент достигна околу 104 долари за барел.
РКЕ пред неколку минути донесе ОДЛУКА за утврдување на највисоки малопродажни цени на нафтените деривати и горива за транспорт. Дизелот поскапува за 14,5 денари, додека бензините за 5 денари.
Највисоките малопродажни цени на нафтените деривати и горива за транспорт, изнесуваат:
ЕУРОСУПЕР БС – 95 – 79,50 (денари/литар)
ЕУРОСУПЕР БС – 98 – 81,50 (денари/литар)
ЕУРОДИЗЕЛ БС (Д-Е V) – 85,50 (денари/литар)
– Масло за горење – Екстра лесно 1 (ЕЛ-1) – 82,50 (денари/литар)
– Мазут М-1 НС – 42,586 (денари/килограм)
Премиерот Христијан Мицкоски викендов беше дециден дека нема простор за паника, оти државата има доволно резерви на нафта, а доколку е потребно владата ќе интервенира за да нема големо покачување на малопродажните цени.
Денеска ВМРО-ДПМНЕ преку соопштение објави дека владата неуморно работи да обезбеди енергетска стабилност и оти целта е Македонија да има енергенси по најевтини цени во регионот.
