На граничните премини „Табановце“ и „Пелинце“ се чека околу еден час за влез и излез од државата. На останатите гранични премини, од македонска страна, нема подолги задржувања. На „Богородица“ времето на чекање за излез од државата е околу 40 минути.
Како што соопшти АМСМ, сообраќајот на државните патишта се одвива непречено, по претежно суви коловози. Интензитетот на патните правци надвор од градските средини е зголемен.
Се препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони.
Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
