Една убава вест во морето нијанси на сиво.
Зима во Михајлово 
Со задоволство ви најавуваме дека ски стазата во Михајлово е подготвена и целосно осветлена, во моментот се монтира ски лифтот, но и ски тепих за најмладите во висина од 90 метри. Во меѓувреме топовите за вештачки снег се пристигнати, но и ратракот е на пат од Австрија.
За многу кратко ќе означиме почеток на овој скијачки центар, кој веруваме ќе биде посакувана дестинација за огромен број на туристи.Кавадарци за сите. – стои во објавата на градоначалникот.
Ова се последните неколку објави на градоначалникот на Кавадарци, Митко Јанчев, на неговиот Фејсбук профил.
Имено, градоначалникот се пофали дека наскоро ќе го отвори новиот скијачки центар во Михајлово. Столбовите се веќе ставени, како и рефлекторите за осветлување на теренот, а се поставува и ски лифт.
Инаку, оние што не знаат каде е Михајлово, тоа е едно преубаво местенце на една од најубавите планини во Македонија.
Станува збор за детско одморалиште сместено во срцето на Кожуф планина на 40 километри од Кавадарци.
