Граѓаните повторно ќе ги местат стрелките на часовникот. Летното сметање на времето започнува во недела, на 29 март 2026 година, кога во 02:00 часот стрелките ќе се поместат еден час нанапред – на 03:00. Тоа значи дека ќе спиеме еден час пократко, но денот ќе биде подолг.
Промената на времето се спроведува согласно европската пракса, а Северна Македонија ја следи оваа регулатива и покрај тоа што во изминатите години се најавуваше можност за укинување на сезонското поместување на часовникот во рамки на Европска Унија.
Експертите советуваат постепено прилагодување неколку дена претходно – порано легнување и ограничување на користење електронски уреди навечер, со цел телото полесно да се адаптира на новиот ритам.
Следната промена ќе биде во октомври, кога повторно ќе се вратиме на зимско сметање на времето и ќе добиеме еден час повеќе сон.
