Обвинителство почнува истрага за двојното убиство во Кратово. ОЈО донесе наредба за спроведување истрага против 36-годишна жена од Кратово, која е осомничена дека сторила кривично дело убиство. Таа во четвртокот, на 13 јуни, со умисла ги лишила од живот својот сопруг и свекорот.
Од ОЈО соопштуваат дека на овој крвав чин претходело насилство. Сопругот физички ја нападнал осомничената и брутално ја удирал па дури и се обидел да ја задави. Таа успеала да се тргне и од кујната зела нож со кој најпрвин го прободела сопругот, а потоа и неговиот татко.
