Министерот за надворешни работи Бујар Османи преку видео порака и честиташе на Финска која денес стана 31 членка на НАТО Алијансата. Османи во кратката порака го честиташе Денот на НАТО, 4 април, посакувајќи и добредојде на најновата членка во Алијансата. Министерот во пораката вели дека очекува наскоро во НАТО да се приклучи и Шведкса како 32 земја членка.
„Среќен 4-ти април, Денот на НАТО! Добредојде за Финска во НАТО. НАТО обединува, штити и станува сè посилна. Денес сме 31 земја членка со Финска и наскоро ќе бидеме 32 со Шведска. Заедно сме посилни. Ние сме НАТО“ – истакна Османи.
