HomeАктуелноОстануваат уште неколку денови – Пари кај граѓаните, еве како да аплицирате!

Остануваат уште неколку денови – Пари кај граѓаните, еве како да аплицирате!

Студенти, остануваат уште 10 дена: се доделуваат 3.000 стипендии, а некои ќе добиваат по 18.000 денари месечно

Студентите имаат уште десет дена за да аплицираат за една од 3.000 државни стипендии за академската 2026/2027 година.

-50%
За Твојата Реклама на овој рекламен банер

Пријавувањето е исклучиво електронско преку порталот за е-услуги на Министерството за образование и наука, а рокот истекува на 20 ноември 2026 година.

Оваа година е воведен нов модел на стипендирање, со три главни категории.

1.200 стипендии за социјална поддршка

Во оваа категорија, за првпат се предвидени и посебни квоти од по 50 стипендии за студенти со попреченост и студенти со ретки болести.

1.050 стратешки стипендии

Овие стипендии се наменети за студенти кои се образуваат во области од стратешко значење, меѓу кои математика, физика, хемија, земјоделство, шумарство, наставна биологија и рударство.

За оваа категорија месечниот износ е 18.000 денари, а стипендиите се исплаќаат девет месеци во текот на студиската година.

750 стипендии за висок академски успех

За оваа категорија можат да конкурираат студенти со просечен успех од најмалку 8,50, кои ги исполнуваат и останатите услови од конкурсот.

За социјалните стипендии и стипендиите за висок академски успех месечниот износ е 6.050 денари, исто така за девет месеци.

Важно за студентите

Пријавувањето трае до 20 ноември, а кандидатите треба внимателно да ги проверат условите и потребната документација пред да ја поднесат електронската пријава.

За студентите ова е можност за финансиска поддршка во текот на целата студиска година, па затоа не треба да го оставаат пријавувањето за последните денови.

Извор: Министерство за образование и наука.

Rate This Article:
No comments

Sorry, the comment form is closed at this time.