Осумгодишно неподвижно девојче од Охрид со тешка сколиоза, утрово беше транспортирано со хеликоптер од градската болница „8ми Септември“ на операција во Истанбул.
Имаме протокол. Барањето за медицински хеликоптер се пушта до ЦУК на 112, после тоа барање се препраќа на одделот за воздухопловна единица при МВР. Oткако министерот на МВР одобри и потпише, се испраќа во Министерство за здравство. Министерот за здравство ни пушта барање до директорот на ГОБ „8ми Септември“ да формираме медицинска екипа за транспорт на пациент до определена дестинација со медикохоптер. Тоа е протоколот – наведува Проф. Д-р Христијан Костов, директор на ГОБ 8-ми Септември.
