Од 05:55 часот регионалниот пат Росоман- Прилеп, кај м.в.„Трите ленти“ е затворен за сообраќај поради одрон на патот. Изведувачот на новиот пат работи со механизација за расчистување на патот, соопштија од Центарот за управување со кризи.
Поради големите врнежи од дожд во текот на изминатото деноноќие, проблеми имаше и на превојот Плетвар, но и таму се работи на расчистување, а сообраќајот на одредени делови се одвива отежнато.
