Како и секоја година и нашата земја, како и сите европски земји ќе премине од зимско во летно пресметување на времето. Стрелките на часовниците ќе се поместат за еден час нанапред, и тоа во последниот викенд во март, кога наместо 2 часот ќе биде 3.
Летното сметање на времето почнува на 30-ти март.
Промена на времето во 2025 година: Зошто сè уште ја менуваме часовната зона? Какво влијание има врз здравјето, продуктивноста, транспортот, па дури и економијата?
И во 2025 година, традицијата останува непроменета – ќе ги прилагодуваме часовниците двапати, напролет и наесен. Иако долго време се зборува за укинување на сезонската промена на времето, системот што е на сила веќе со децении и понатаму останува во функција
Менувањето на часовникот не е само техничка процедура – има влијание врз здравјето, продуктивноста, транспортот, па дури и економијата. Еве кога ќе се случи промената во 2025 година:
- Летно сметање на времето: Во ноќта меѓу 29 и 30 март 2025 година, во 2:00 часот, часовниците ќе се поместат еден час нанапред, на 3:00 часот. Со тоа, ќе изгубиме еден час сон, но ќе имаме подолги и посветли вечери.
- Зимско сметање на времето: Во ноќта меѓу 25 и 26 октомври 2025 година, во 3:00 часот, ќе ги вратиме стрелките еден час наназад, на 2:00 часот. Ова значи дека ќе добиеме еден час повеќе за одмор, но деновите ќе станат пократки.
Зошто сè уште ја менуваме часовната зона?
Концептот на сезонска промена на времето беше воведен за подобро искористување на дневната светлина и намалување на потрошувачката на енергија. Сепак, современите анализи покажуваат дека овие заштеди се минимални, а сепак повеќето земји од Европската унија и понатаму ја применуваат оваа практика.
Во 2018 година, ЕУ предложи целосно укинување на сезонските промени, но членките не успеаја да постигнат договор за заедничко време. Така, часовниците ќе продолжат да се менуваат најмалку до 2026 година.
