Редакцијата на powerinfo.mk забежа пожар над селото Велгошти. Пожарот може да се забележи од магистралниот пат Охрид-Ресен.
По забележаниот пламен, нашата редакција одговор побара од Центарот за управување со кризи, кој за кратко ни одговорија дека постои можност за пожар на отворен простор на подрачјето на општина Охрид, а во контакт стапено е и со ТППЕ-Охрид.
РЦУК Охрид известува, дека стапено е во контакт со ТППЕ-Охрид, а екипа на ТППЕ-Охрид со 1 пп/в и 2 пожарникари упатени се во атарот на с.Велгошти каде што се претпоставува дека има појавен пожар да направат проверка, и доколку има потреба да се интервенира. ПОРКОА-РЦУК-Охрид е во постојан контакт со ТППЕ-Охрид и ја следиме состојбата, вели портпаролот на ЦУК, Илија Бојаровски.
Имено, од таму додаваат дека следи проверка, а доколку има потреба ќе се интервенира. Инаку, штетата ја проценуваат од ЈП „Национални шуми“, а дополнителна информација ќе имаме подоцна.
Новинар: Е.Р
