Двајца српски државјани и двајца Македонци се уапсени во Солун откако во возилата во кои се возеле биле пронајдени накит и златни прачки за кои не можеле да докажат сопственост.
Како што е наведено, поголема количина накит и осум златни прачки, вкупна тежина од околу 21,5 килограми, открила полициската патрола во Солун, во две возила, едното со македонски, а другото со турски таблички, пренесуваат српските медиуми.
Според неофицијални информации, уапсени се двајца државјани на Македонија, едниот на 72, а другиот на 36 години и двајца државјани на Србија, двајцата на 37 години.
Одземени им се возилата и мобилните телефони, а полицијата ќе го испитува потеклото на накитот и златото.
