Две банки одлучија предвреме да ги исплатат пензиите.
„Пензиите за месец февруари се исплатени и од денес (26.02.2026 година) средствата се достапни за сите пензионери.
Корисниците на пензија можат да располагаат со своите средства преку сите филијали на Халкбанк, на банкоматите низ државата, како и преку услугите за електронско и мобилно банкарство“, велат од Халбанк.
Од банката информираат дека исплатата е реализирана навремено, со цел пензионерите непречено да ги користат своите средства.
Пензионерите се потсетуваат дека за побрза и поедноставна услуга можат да ги користат дигиталните канали, со што ќе избегнат гужви во филијалите.
И Комерцијална банка одлучи од утре да ги исплати пензиите.
„Започнуваме со исплата на пензиите од петок, 27 февруари. 
Ако користите дебитна картичка, со вашата пензија ќе може да располагате истиот ден. 
Користете ја безбедно и удобно – плаќајте безготовински во продавница или онлајн или, пак, подигнете пари од банкомат. 
Ако користите дебитна картичка, со вашата пензија ќе може да располагате истиот ден. Користете ја безбедно и удобно – плаќајте безготовински во продавница или онлајн или, пак, подигнете пари од банкомат.
Ако повеќе сакате да ја подигнете пензијата во филијала или експозитура, ќе може да го направите тоа од 27 февруари и во секој работен ден после тоа.
“, велат од банката.
