Полициски службеници од Полициската станица Кисела Вода вчера попладне, во 18 часот, го лишиле од слобода Е.С.(27) од Скопје. Како што соопшти МВР, Е.С. се сомничи дека на 22 август 2022 одзел повеќе предмети и туби со нафта од фирма во Скопје.
Кај него биле пронајдени одземените предмети и биле вратени на сопственикот. Во службен разговор во полициска станица Е.С. го признал делото. По целосно документирање на случајот против него ќе биде поднесена соодветна пријава.
