На 18 мај 2026 година, во 05:25 часот во СВР Охрид е пријавено дека на улицата „7 Ноември“ во Охрид, патничко возило марка „Цитроен“ со охридски регистарски ознаки, управувано од страна на 22-годишно лице од Охрид, изгубило контрола и излетало од коловозот.
– Во несреќата со тешки телесни повреди се здобил возачот, констатирани во Специјалната болница за ортопедија и трауматологија „Свети Еразмо“ во Охрид. При извршени проверки, било констатирано дека лицето го управувало возилото под дејство на алкохол, односно дека има 1,61 промили алкохол во крвта. По наредба на Јавен обвинител, извршен е увид од страна на увидна екипа на СВР Охрид, информираат од СВР Охрид.
