Сè повеќе бракови се распаѓаат во Македонија: Еве по колку години најчесто доаѓа до развод
Бројот на разводи во Македонија продолжува да расте. Според официјалните податоци, во 2025 година биле регистрирани 2.185 разводи, што е за 8 проценти повеќе во споредба со 2024 година.
Во истиот период биле склучени 10.507 бракови, што е намалување од 5,1 процент во однос на претходната година.
Интересен е и податокот за тоа по колку години брачните партнери најчесто се одлучуваат на развод. Најголем број разводи – 478 или 21,9 проценти – биле кај бракови кои траеле од пет до девет години.
Статистиката покажува дека разводите не се реткост ниту во текот на 2026 година. Во второто тримесечје од годината биле регистрирани 406 разводи, додека во истиот период биле склучени 2.732 бракови.
Каква е состојбата во Охрид?
Трендот може да се види и на локално ниво. Во Охрид, во првите три месеци од 2026 година биле регистрирани 20 разводи, додека биле склучени 44 бракови.
Во второто тримесечје бројот на склучени бракови бил значително поголем – 94, додека биле регистрирани 12 разводи. Податоците покажуваат дека, и покрај тоа што бројот на нови бракови и понатаму е поголем од бројот на разводи, раскинувањето на брачните заедници останува значајна демографска тема во Македонија. Особено интересен е податокот дека токму браковите кои траат пет до девет години се периодот во кој се регистрира најголем број разводи.
