Јавните настани на отворено се забранети во Франција откако Европа ја погоди рекорден топлотен бран.
Концертите и големите јавни собири се откажани во областа Жиронд околу градот Бордо. Имено, делови од Франција деновиве достигнаа 40 степени Целзиусови, а денеска се очекуваат рекордно високи температури.
Научниците предупредуваат дека периодите на интензивна топлина стануваат сѐ почести и подолготрајни како резултат на глобалното затоплување. Други европски земји како Шпанија, Италија и Велика Британија исто така се борат со високите температури.
Во Жиронд, јавните настани, вклучително и некои од официјалните прослави на годишнината од почетокот на Движењето на отпорот, ќе бидат забранети до следниот петок во 14 часот, „до крајот на овој топлотен бран“. Забранети се и настани во затворен простор без клима уреди. Приватните прослави, како што се свадбите, сепак ќе бидат дозволени.
„Сега сите се соочуваат со здравствени ризици“, изјави локалната функционерка Фабиен Бучио за радиото Франс Блу.
A punishing #heatwave broke a string of records in France and Britain on Friday as Spain battled to contain forest fires that forced hundreds from their homes https://t.co/ThTMrFxqEp pic.twitter.com/iNLvJ5oytN
— AFP News Agency (@AFP) June 17, 2022
Француското МВР ги предупреди граѓаните да бидат крајно внимателни и да не се изложуваат на временските неприлики. Државниот институт Метео Франс исто така наведува дека тоа е најраниот топлотен бран што некогаш ја погодил таа земја, а бил предизвикан од маса топол воздух што се движела од Северна Африка.
Температурите во Париз би можеле да достигнат и до 39 степени, а исто така го зголемија ризикот од шумски пожари. „Имам 86 години, родена сум овде, но мислам дека ова е најлошиот топлотен бран што сум го видел“, изјави Жаклин Боно за новинската агенција АФП.
Ваквите временски услови ја зголемија и употребата на клима уреди и вентилатори, па Франција е принудена да увезува струја од соседните земји.
Во Шпанија, која го доживеа најтоплиот мај од почетокот на овој век, викендов се очекува температурите да достигнат до 43 степени, соопшти метеоролошката служба Аемет. Има шумски пожари во Каталонија, а се борат и со пожар кој може да зафати 20.000 хектари пред пожарникарите да го изгаснат.
Загрижувачка е и ситуацијата во Италија. Нивото на водата е толку ниско во некои области на италијанската река По што локалното население може да оди по песочното корито, а потонати воени бродови повторно почнале да се појавуваат.
Што се однесува до Британија, температурите се очекува да достигнат 33 ° C на југот на Англија, додека трето ниво на предупредување поврзано со топлина е издадено за Лондон.
Но, екстремните горештини оваа недела не се ограничени само на Европа. Во средата, на третина од целото американско население им било препорачано да останат внатре, исто така поради рекордните температури. Во Индија, Делхи забележа максимална температура од најмалку 42 ° C и тоа цели 25 дена ова лето, објави индиската метеоролошка служба.
Загрижувачките климатски промени предизвикуваат пораст на глобалните температури, а стакленички гасови, како што е јаглерод диоксидот, испуштени во атмосферата на Земјата во големи количини, ја задржуваат сончевата топлина, предизвикувајќи нашата планета да се загрева. Ова на крајот доведе до поекстремни временски услови, вклучувајќи ги и овие рекордно високи температури ширум светот.
