Националното собрание на Франција гласаше за зголемување на старосните пензии и социјалните бенефиции за четири отсто за да се ублажат ефектите од зголемената инфлација.
Ова ќе влијае на семејните додатоци и минималните бенефиции за сиромашните, како и на надоместоците за попреченост и студентските додатоци.
Ревалоризацијата, која беше одобрена речиси едногласно во првото читање вчера вечер, ќе стапи во сила ретроактивно од 1 јули 2022 година.
„Франција веќе потроши 23 милијарди евра од 2021 година за зголемување на куповната моќ, главно за ограничување на трошоците за електрична енергија и гас за потрошувачите“, рече министерот за економија Бруно Ле Мер.
Според заводот за статистика INSEE, просечната годишна стапка на инфлација во Франција од 5,8 отсто и понатаму е една од најниските во еврозоната.
