Министерството за внатрешни работи информира дека на подрачје на СВР Струмица се санкционирани 197 возачи.
– На 19.02.2023 во периодот од 10.00 до 18.00 часот на подрачје на Секторот за внатрешни работи Струмица била спроведена контрола за санкционирање на возачи кои управуваат возила со брзина поголема од дозволената.
Притоа, биле констатирани 197 пречекорувања на брзината, од кои 81 на подрачје на Струмица, 50 на подрачје на Радовиш, 37 на подрачје на Гевгелија и 29 на подрачје на Валандово. Од нив, 122 прекршувања на брзината биле констатирани во населено место, а 75 надвор од населено место, инфомираат од МВР.
Сите прекршоци биле соодветно санкционирани.
