Висок израелски функционер го обвини Иран дека се обидува да отвори втор воен фронт со распоредување оружје во или преку Сирија додека Израел ја засилува својата операција во Газа на југ.
Одговарајќи на објавата на Платформа Х во која е изложено такво сценарио, Џошуа Зарка, шеф за стратешки работи на Министерството за надворешни работи на Израел, рече: „Тие (Иранците) се“. Во првобитната објава беше наведено и дека Израелците се решени да спречат таков развој на настаните. На тоа Зарка одговори: „Ние сме“.
Сирија го обвини Израел дека изминатите денови извршил напади врз аеродромите во Дамаск и Алепо. Иранскиот министер за надворешни работи вчера се сретна во Катар со лидерот на Хамас Исмаил Ханије и разговараа за смртоносниот напад на палестинската милитантна група врз Израел и се согласија да продолжат со соработката за да се постигнат целите на групата, соопшти Хамас.
За време на нивната средба во катарскиот главен град Доха, иранскиот министер за надворешни работи Хосеин Амирабдолахиан го поздрави упадот на Хамас во Израел како историска победа што ја смени израелската окупација на палестинска територија.
Во објава на социјалните мрежи, Иран предупреди дека ситуацијата може да излезе од контрола со далекусежни последици доколку не се запрат воените злосторства и геноцидот на Израел.
Соопштението на мисијата на Иран во Обединетите нации на платформата X дојде откако Аксиос објави дека Техеран го предупредил Израел во порака испратена преку ОН дека ќе мора да одговори доколку Израел започне копнена офанзива во Појасот Газа, кој е под контрола на Хамас.
