Владата предводена од ВМРО-ДПМНЕ обезбеди 250 милиони евра за капитални инвестиции во општините со цел подобрување на нивната функционалност и услужност кон граѓаните, соопшти партијата.
Преку два повика за капитални инвестиции, финансирани се над 1.100 инфраструктурни проекти во различни општини низ државата. Дел од реализираните проекти се опремување на центар за физикална терапија во болницата „Св.Еразмо“, реконструкција на здравствени установи во Струга и Охрид, заштита од пожари во микрорегионите Куманово и Липково, адаптација на домови за стари лица, унапредување на здравствени услуги за ранливи категории, како и иновативни дигитални решенија во Тетово и други општини.
ВМРО-ДПМНЕ потенцира дека овие вложувања ќе придонесат за модерни локални самоуправи кои се поблиску до граѓаните и поефикасно ќе ги исполнуваат нивните потреби.
